Bu gündən etibarən vergi, sosial və digər dəyişikliklərlə bağlı bəzi yeniliklərin tətbiqinə başlanılır.

“Qafqazinfo” müxtəlif sahələri əhatə edəcək dəyişikliklərin siyahısını təqdim edir:

• Tütün məmulatları və elektron siqaretlər üzrə aksiz vergiləri artırılıb.

•  Alkoqollu və enerji içkilərinin aksiz dərəcəsi artırılıb.

• Köhnə idxal avtomobilləri üçün yeni aksiz dərəcəsi tətbiq olunacaq.

• Hibrid və elektromobillərin idxalı və satışı üçün ƏDV güzəştinin müddəti başa çatıb.

• Azərbaycanda yığılan elektrikli avtobuslar ƏDV-dən azad ediləcək.

• Kişi və qadın salonları, kosmetoloji mərkəzlərin xidmətlərində ƏDV geri qayıdacaq.

• Media subyektləri vergilərdən azad olunacaq.

• Bankların iflas prosedurunda aktivlərin təqdim edilməsi ƏDV-dən azad edilir.

• Qeyri-formal işləyən şəxslər icbari tibbi sığorta haqqını artıq özləri ödəyəcək (ayda 16 manat).

• Mülkiyyətində torpaqlarda işləyənlərin, vəkil və mediatorların, fərdi sahibkarların sosial sığorta haqları artırılıb.

• Fərdi iş sahibləri (dərzi, aparıcı, çalğıçı və s.) sosial sığorta haqqını minimum aylıq əməkhaqqının 5%-dən 8%-ə qədər ödəyəcək.

• Evlərini kirayə verənlər üçün vergi dərəcəsi 14%-dən 10%-ə endirilib.

• Qeyri-neft-qaz sektoru üzrə 2 500 manata qədər olan maaşlardan 3% gəlir vergisi tutulacaq.

• Azərbaycana gətirilən 1-dən çox mobil telefonun qeydiyyatı üçün 100 manat rüsum müəyyən edilib.

• Elektrik enerjisi və təbii qaz üzrə sabit aylıq tarif 1 manat müəyyən edilib.

• Kişi və qadınların pensiya yaşı bərabər olaraq 65 yaş müəyyən edilib.