Dünyanın gözündən qaçan detallar - Fotolarda
Səkkizinci illik “İlin Yaxın Plan Fotoqrafı” (CUPOTY) müsabiqəsinin finalçılarının qısa siyahısı elan olunub.
“Qafqazinfo” “Euronews”a istinadən xəbər verir ki, final mərhələsinə vəsiqə qazanan fotolar dünyanın müxtəlif ölkələrindən olan fotoqrafların təqdim etdiyi rekord sayda – 15 min 388 iş arasından seçilib.
İynəcələrin yaxın plan portretlərindən tutmuş mikroskopik göbələklərə və qeyri-adi kiçik canlılara qədər bir çox kadrı əhatə edən siyahı təbiətin adi gözlə görünməyən detallarını nümayiş etdirir.
Müsabiqədə fotolar heyvanlar, həşəratlar, hörümçəkkimilər, sualtı aləm, kəpənəklər, göbələklər və studiya sənəti də daxil olmaqla, 11 əsas kateqoriya, eləcə də, gənc fotoqraflar üçün nəzərdə tutulan xüsusi nominasiya üzrə yarışır.
Layihənin həmtəsisçisi Treysi Kalder yaxın plan fotoqrafiyasının gündəlik həyatda nəzərdən qaçan detalları və fərqli rakursları üzə çıxarmaq baxımından böyük gücə malik olduğunu bildirib: “Builki qısa siyahı təxəyyülün, texniki ustalığın və təbiətə olan marağın möhtəşəm nümayişidir”.
Qeyd edək ki, müsabiqənin ümumi qalibi və ayrı-ayrı kateqoriyalar üzrə qaliblər 2027-ci ilin yanvar ayında açıqlanacaq.
Son Xəbərlər
- 1
- 2
- 3
- 4
- 5
- 6
