Həkimin intiharı ilə bağlı cinayət işi başlanıldı
Lənkəranda stomotoloqun intiharı ilə bağlı cinayət işi başlanılıb.
Baş Prokurorluğun Mətbuat xidmətindən “Qafqazinfo”nun sorğusuna cavab olaraq bildirilib ki, avqustun 21-də Lənkəran şəhər sakini, 1989-cu il təvəllüdlü Müşfiq Bağırovun tikilməkdə olan evinin ikinci mərtəbəsində tavandan özünü asaraq intihar etməsi faktı ilə bağlı rayon prokurorluğunda cinayət işi başlanılıb.
Hazırda Cinayət Məcəlləsinin 125-ci (özünü öldürmə həddinə çatdırma) maddəsi ilə açılmış iş üzrə araşdırmalar aparılır.
