HƏMAS lideri öldürüldü - Yenilənib
HƏMAS hərəkatının Siyasi Bürosunun rəhbəri İsmayıl Haniyə öldürülüb.
“Qafqazinfo” TASS-a istinadən xəbər verir ki, bu barədə hərəkat özü məlumat yayıb.
Bildirilib ki, ona qarşı sui-qəsd Tehrandakı iqamətgahında baş verib. Hadisə İran Prezidenti Məsud Pezeşkianın andiçmə mərasimindən sonra qeydə alınıb.
“Tasnim” agentliyinin məlumatına əsasən, hücum zamanı daha bir nəfər həlak olub. Həmin şəxsin Haniyənin mühafizəçisi olduğu deyilir.
Qeyd olunur ki, İ. Haniyə dünyanın ən zəngin fələstinlilərindən biri hesab olunurdu. O, uzun müddət Qətərdə yaşayıb.
***
HƏMAS İsmayıl Haniyənin İsrailin hücumu nəticəsində öldüyünü bəyan edib.
***
“Tasnim” İslam İnqilabı Keşikçiləri Korpusunun bəyanatına istinadən xəbər verir ki, İran hakimiyyəti qətlin hansı şəraitdə baş verdiyini araşdırır.
Son Xəbərlər
- 1
- 2
- 3
- 4
- 5
- 6
