İlknur elə orada həbs edildi - Bacılara hökm oxundu - Video

ilknur-ele-orada-hebs-edildi
Oxunma sayı: 12236

Dələduzluqda ittiham olunan YAP Gənclər təşkilatının keçmiş sədr müavini, Binəqədi qəsəbə bələdiyyəsinin sabiq sədri Aytac Əliyeva və bacısı İlknur Turkutun cinayət işi üzrə məhkəmə araşdırması başa çatıb.

“Qafqazinfo” xəbər verir ki, Bakı Ağır Cinayətlər Məhkəməsində keçirilən sonuncu iclasda hökm oxunub. 

Hökmə əsasən bacılar verilmiş ittihamlarla təqsirli bilinib. A. Əliyeva 7 il, İ.Turkut isə 6 il müddətinə azadlıqdan məhrum edilib. İ.Turkut məhkəmə zalında həbs edilib. 

Hökmdən əvvəl bacılar son söz deyiblər. Onlar təqsirli olmadıqlarını təkrarlayaraq, bəraət hökmü çıxarılmasını xahiş ediblər.

Qeyd edək ki, A. Əliyeva Cinayət Məcəlləsinin 178.3.2-ci (külli miqdarda dələduzluq) və 320-ci (saxta sənəd hazırlama), İ.Turkut isə 178.3.2-ci (külli miqdarda dələduzluq) maddəsi ilə ittiham olunur. İş üzrə zərərçəkmişlərə dəymiş ziyan 1 milyon manata yaxın hesablanıb. 

A.Əliyeva həbsdə, İ.Turkut isə ev dustaqlığında idi.

Sail Ağasəlim