İtaliya yığmasında məşqçi böhranı - Dünyanın ən yaxşıları imtina etdi
Braziliya milli komandasının baş məşqçisi Karlo Ançelotti İtaliya yığmasına rəhbərlik etmək təklifini rədd edib.
“Qafqazinfo” xəbər verir ki, bu barədə “Globo” nəşri məlumat yayıb.
Bununla bağlı İtaliya Futbol Federasiyasının texniki direktoru Paolo Maldini Ançelotti, eləcə də “Mançester Siti”nin keçmiş baş məşqçisi Xosep Qvardiola ilə danışıqlar apardıqlarını bildirib. Mətbuatın yazdığına görə, ispaniyalı mütəxəssis də İtaliya yığmasını çalışdırmaq təklifinə mənfi cavab verib.
Qeyd edək ki, Ançelotti 2025-ci ilin may ayından Braziliya yığmasını idarə edir. 67 yaşlı italyan mütəxəssisin mövcud müqaviləsi 2030-cu ilin yayına qədər nəzərdə tutulub.
Xatırladaq ki, DÇ-2026-da Braziliya millisi mübarizəni 1/4 finalda dayandıraraq Norveçə 1:2 hesabı ilə məğlub olmuşdu.
Son Xəbərlər
- 1
- 2
- 3
- 4
- 5
- 6
