“Messidən sonra özümü vacib oyunçu hesab etmirdim”
PSJ-nin müdafiəçisi Əşrəf Hakimi Lionel Messinin 2021-ci ildə Paris klubuna keçidinin onun oyununa necə təsir etdiyini açıqlayıb.
“Qafqazinfo” xəbər verir ki, futbolçunun sözlərini “The Touchline” yayıb.
“Messi gələndə PSJ-nin layihəsi dəyişdi, oyun üslubumuz da fərqli oldu. Artıq xoşladığım işləri, məsələn, daha çox hücuma qoşulmağı bacarmırdım. Özümü vacib oyunçu hesab etməyi dayandırdım və ciddi tənqidlərə məruz qalırdım”, – deyə Hakimi bildirib.
Qeyd edək ki, Messi 2021-2023-cü illərdə PSJ-də çıxış edib. Bu müddətdə argentinalı futbolçu iki dəfə Fransa çempionu olub və ölkə Superkubokunu qazanıb.
Hakimi isə cari mövsümdə bütün turnirlərdə 14 oyuna çıxıb, 3 qol vurub və eyni sayda məhsuldar ötürmə edib.
Son Xəbərlər
- 1
- 2
- 3
- 4
- 5
- 6
