Millimizin məşqçi heyəti Olimpiadaya görə qovuldu

Millimizin məşqçi heyəti Olimpiadaya görə qovuldu
Oxunma sayı: 6112

Tokio-2020 Yay Olimpiya Oyunlarında uğursuz nəticə göstərən cüdo millisinin məşqçi heyəti qovulub. Bu barədə “Qafqazinfo”ya Azərbaycan Cüdo Federasiyasının baş katibinin müavini Elnur Əşrəfoğlu məlumat verib. 

O bildirib ki, ukraynalı baş məşqçi Ruslan Maşurenko başda olmaqla, onun azərbaycanlı köməkçiləri – Elxan Məmmədov, Nazim Hüseynov, Mehman Əzizov, Elçin İsmayılov və Rüstəm Alimli istefaya göndərilib. 

Komanda isə gənclərdən ibarət millinin məşqçi heyətinə tapşırılıb. Komandanın baş məşqçisi üçqat Avropa çempionu Elçin İsmayılov olacaq. 

Həmçinin bəzi cüdoçuların maaşları da azaldılıb. 

Qeyd edək ki, Azərbaycan cüdo yığması ilk dəfə Olimpiadaya tam heyətlə yollanmışdı. Komandamız 7 çəki dərəcəsinin hamısında idmançı ilə təmsil olunurdu. Cüdo millisi Tokio-2020-də ən çox medal gözlənilən komandalardan olsa da, yığmamız cəmi 1 bürüncə sevinə bildi. 9 cüdoçudan yalnız İrina Kindzerska fəxri kürsüyə qalxmağı bacardı. Medal ümidləri Rüstəm Orucov, Məmmədəli Mehdiyev Vətənə əliboş qayıtdılar.