Odessada ölənlərin sayı artdı - Yenilənib
Rusiya Silahlı Qüvvələri Odessa vilayətində yerləşən liman infrastrukturuna genişmiqyaslı hava zərbələri endirib.
“Qafqazinfo” xəbər verir ki, bu barədə Odessa Vilayət Dövlət Administrasiyasının rəhbəri Oleq Kiper teleqram hesabında məlumat yayıb.
O qeyd edib ki, hücum nəticəsində 7 nəfər həyatını itirib, 15 nəfər isə müxtəlif dərəcəli xəsarətlər alıb.
O.Kiperin sözlərinə görə, hücum Odessa rayonundakı liman obyektinə ballistik raketlərlə həyata keçirilib. Zərbə nəticəsində dayanacaq ərazisində olan yük avtomobilləri yanaraq yararsız hala düşüb:
“Yaralılara tibbi müəssisələrdə zəruri yardım göstərilir. Hava həyəcanı siqnallarının tez-tez səslənməsi təcili yardım və xilasetmə xidmətlərinin fəaliyyətini çətinləşdirir”.
***
Odessada hücum nəticəsində həlak olanların sayı 8 nəfərə, yaralıların sayı isə 27-yə çatıb.
Bildirilib ki, yaralıların çoxu zərbənin mərkəzində olan avtobusdakı şəxslərdir.
Son Xəbərlər
- 1
- 2
- 3
- 4
- 5
- 6
