Pakistan - İran qarşıdurmasına son qoyulur
Pakistanın Milli Təhlükəsizlik Komitəsi İranla diplomatik münasibətləri tamamilə bərpa etmək qərarına gəlib.
“Qafqazinfo” xəbər verir ki, bu barədə “Əl-Ərəbiyyə” telekanalı məlumat yayıb.
“Pakistan Nazirlər Kabineti İranla qarşıdurmaya son qoymaq qərarına gəlib”, - məlumatda bildirilib.
Telekanalın məlumatına görə, bu qərar kontekstində əvvəllər geri çağırılan səfirlər və diplomatlar iki dövlətin paytaxtlarına - İslamabad və Tehrana qayıdacaqlar.
Xatırladaq ki, yanvarın 16-sı İranın İslam İnqilabı Keşikçiləri Korpusu (SEPAH) “Ceyş əl-Ədl” qruplaşmasının Pakistandakı bazasına ballistik raket və pilotsuz uçuş aparatları ilə zərbə endirib. Hadisə zamanı 2 uşaq həlak olub, daha 3-ü isə yaralanıb. Zərbələrin ardınca Pakistan İrana nota verib, daha sonra İrandakı səfirini geri çağırıb. Pakistanın İrana raket hücumu nəticəsində isə 9 nəfər həyatını itirib.
Son Xəbərlər
- 1
- 2
- 3
- 4
- 5
- 6
