Bu gün UEFA Çempionlar Liqasında 3-cü təsnifat mərhələsinin cavab oyunlarına start veriləcək.

“Qafqazinfo” xəbər verir ki, Azərbaycan təmsilçisi “Sabah” da bu gün meydana çıxacaq.

Valdas Dambrauskasın komandası öz meydanında Danimarka çempionu “Orhus”la qarşılaşacaq.

Tərəflər arasında Danimarkada keçirilən ilk matçda “Orhus” 2:1 hesablı qələbə qazanıb.

Saat 20:00-da keçiriləcək görüşü fransalı hakimlər briqadası idarə edəcək.

Bu cütün qalibi pley-off mərhələsində “Srvena Zvezda” – “Hapoel” (Ber-Şeva, İsrail) duelinin güclüsü ilə qarşılaşacaq.

Məğlub tərəf isə Avropa Liqasının pley-offunda “Benfika” (Portuqaliya) – “Harts” (Şotlandiya) cütünün qalibi ilə üz-üzə gələcək.

UEFA Çempionlar Liqası

III təsnifat mərhələsi, cavab oyunu

11 avqust

20:00. “Sabah” (Azərbaycan) – “Orhus” (Danimarka)

İlk oyun - 1:2

Hakimlər: Villi Delajo, Ervan Finjean, Valentin Evrard, Erik Vattellier

“Bank Respublika Arena”.

***

Komandaların start heyətləri bəlli olub:

“Sabah”: 92 Stas Pokatilov (k), 3 Stiv Solvet, 5 Rəhman Daşdəmirov, 80 Akim Zedadka, 27 Puxaç, 7  Umarali Raxmonaliyev, 13 İvan Lepinitsa, 21 Velko Simiç, 10 Aleksey İsayev, 20 Coy-Lens Mikels, 99 Orfe Mbina

Ehtiyat oyunçular: 1 Amin Ramazanov, 94 Rəvan Mirzəmmədov, 4 Aden Makarti, 6 Abdulah Xaybulayev, 8 Kristian Nvaçukvu, 11 Kahim Parris, 16 Rauf Rüstəmli, 17 Tellur Mütəllimov, 23 Yunes Laşab, 33 Erivaldo Almeyda, 34 Xander Severina, 88 Rodriqo Fernandeş

“Orhus”: 21 Kristiansen, 19 Kal, 25 Rösler, 26 Andersen, 11 Links, 10 Arnstad (k), 4 Knudsen, 16 Yönsson, 29 Karstensen, 28 Boqere, 31 Bek

Ehtiyat oyunçular: 1 Hansen, 42 Van der Raad, 7 Solbakken, 8 Yörgensen, 13 Serra, 14 Mölqaard, 20 Kristiansson, 23 Andersen, 27 Çamçe, 39 Emeri, 44 Kamara, 45 Storx

***

Matç başladı.

***

Fasilə.

***

İkinci hissə başladı.

***

59-cu dəqiqədə Velko Simiç hesabı açır.

***

Stiv Solvet 67-ci dəqiqədə hesabı 2:0 edir. Ümumi hesab 3:2 komandamızın xeyrinə olur.

***

79-cu dəqiqə Coy-Lens Mikels 3-cü qolu vurur. Ümumi hesab 4:2

***

Sander Severina 89-cu dəqiqədə 4-cü qolu vurur.

***

Matç komandamızın 4:0 hesablı darmadağını ilə başa çatır. Bununla da Masazır təmsilçisi ümumi hesabda 5:2 qələbə qazanaraq, ÇL-in pley-off mərhələsinə vəsiqə qazanır.