Mənimsəmədə ittiham olunan sahibkarla bağlı araşdırma gedir - Yenilənib
Azərbaycanda tanınmış qadın sahibkar yarım milyonluq mənimsəmədə ittiham edilir.
“Qafqazinfo”nun əldə etdiyi məlumata görə, iddiaya əsasən, Balakən rayon sakini, 1990-cı il təvəllüdlü Dadayeva Ayparə Şaban qızı işlədiyi “Sara Group” MMC-dən 451 min manat mənimsəyib. İttihama görə, o, bu ilin yanvar-mart ayları ərzində şirkətdə anbardar işləyərkən şirkətə məxsus gübrələri sataraq pulunu şəxsi istifadəsi üçün götürüb.
Xəbəri rus dilində oxuyun: Азербайджанский шахматист из-за Украины отказался от соревнований ФИДЕ
Artıq şirkət tərəfindən hüquq-mühafizə orqanlarına müraciət edilib və şikayət üzrə araşdırma aparılır.
Qeyd edək ki, A.Dadayeva tütünçülüklə məşğul olan fermer kimi tanınıb. O, 2019-cu ildə 3-cü dərəcəli “Əmək” ordeni ilə təltif edilib.
***
Şirkətdən saytımıza verilən açıqlamada bildirilib ki, məlumat əsassızdır: "Hazırda həmin xanım bizim əməkdaşımızdır, fəaliyyətini davam etdirir".
***
Məsələ ilə bağlı Baş Prokurorluğun Mətbuat xidməti ilə əlaqə saxladıq. Qurumdan sorğumuza cavab olaraq bildirildi ki, qeyd edilən məsələ haqda araşdırma gedir: "Sara Group" QSC-nin direktoru Şirvan Əhmədovun müraciəti əsasında hazırda araşdırma aparılır. Araşdırma nəticəsində qanuni qərarın qəbul edilməsi təmin ediləcək".
Amin Nəzərli
Son Xəbərlər
- 1
- 2
- 3
- 4
- 5
- 6
