“Kuba tezliklə süqut edəcək”
ABŞ Prezidenti Donald Tramp Kubanın hazırkı idarəetmə rejiminin yaxın zamanda süqut edəcəyini və rəsmi Havananın Vaşinqtonla genişmiqyaslı sövdələşməyə hazır olduğunu bildirib.
“Qafqazinfo” CNN-ə istinadla xəbər verir ki, Ağ Ev rəhbəri Kubanın iqtisadi və siyasi baxımdan ağır günlər yaşadığını vurğulayaraq, rəsmi Vaşinqtonun bu məsələdə qətiyyətli olduğunu bildirib.
Tramp müsahibəsində Kuba ilə bağlı proqnozlarını belə ifadə edib:
“Kuba tezliklə süqut edəcək. Bunun hazırda apardığımız işə birbaşa aidiyyəti olmasa da, Kuba da çökəcək”.
Prezident rəsmi Havananın ABŞ ilə razılığa gəlmək üçün ciddi istək nümayiş etdirdiyini qeyd edərək, bu prosesi idarə etmək üçün xüsusi nümayəndəsini müəyyənləşdirdiyini açıqlayıb:
“Onlar sövdələşmə bağlamaq istəyirlər, buna görə də mən ABŞ dövlət katibi Markonu ora göndərəcəyəm. Hazırda əsas diqqətimiz buna köklənib. Bizim vaxtımız çoxdur, amma 50 il keçdikdən sonra Kuba artıq hazırdır”.
Xatırladaq ki, yanvarın 3-də ABŞ-nin Venesuelada həyata keçirdiyi hərbi əməliyyat və Prezident Nikolas Maduronun saxlanılmasından sonra Kubanın əsas neft tədarükü zənciri qırılıb. Bu hadisə adada kəskin yanacaq və enerji böhranına səbəb olub ki, mütəxəssislər bunu “2026-cı il Kuba böhranı” adlandırırlar.
Son Xəbərlər
- 1
- 2
- 3
- 4
- 5
- 6
