Milli parklarımızı ziyarət edənlərin sayı açıqlandı - Fotolar

milli-parklarimizi-ziyaret-edenlerin-sayi-aciqlandi
Oxunma sayı: 1664

2023-cü ilin ötən dövrü ərzində milli parkları 252 485 turist ziyarət edib.

“Qafqazinfo” xəbər verir ki ən çox ziyarətçi qəbul edən və ilk üçlükdə yer alan milli parklarımız -Kəpəz dağı, Göygöl və Maralgöl gölləri ilə zövqləri oxşayan Göygöl Milli Parkı, Abşeron yarımadasının ada və dəniz mənzərəli Şahdili burnunda gəzmək fürsəti təqdim edən Abşeron Milli Parkı, Qaranohur gölü, şəlalələri ilə göz oxşayan, zubr və Xallı maral ilə turistlərin diqqət mərkəzində olan Şahdağ Milli Parkıdır.

Ölkəmizdə 116 ekoloji turizm marşrutunu əhatə edən 10 milli park, 10 dövlət təbiət qoruğu və 24 dövlət təbiət yasaqlığı var. Ekosisteminə görə bir-birindən fərqli təbiət abidələri sayılan milli parklar Abşeron yarımadasında, ölkənin şimal, cənub və qərb hissəsində yerləşməklə rəngarəng landşaft komplekslərini özündə birləşdirir.