Mehman Hüseynov Fərəc Quliyevin səs yazısını yaydı - Audio

mehman-huseynov-ferec-quliyevin-ses-yazisini-yaydi
Oxunma sayı: 13733

Tanınmış bloqqer Mehman Hüseynov Feysbuk səhifəsində 31 saylı Suraxanı seçki dairəsindən deputatlığa namizəd Fərəc Quliyevin səs yazısını yayıb.

“Qafqazinfo”nun məlumatına görə, səs yazısında Fərəc Quliyev rəqiblərindən biri - bloqqer Mehman Hüseynova namizədliyini geri götürməsi üçün pul təklif edib. F.Quliyev M.Hüseynova “Mənə dəstək ver, qarşılığında isə sənə maddi kömək edim. Bu, 10-15 min manat da ola bilər”, – deyib. M.Hüseynov bundan imtina edib və səs yazısını yayıb.

F.Quliyev dünəndən müzakirələrə səbəb olan səs yazısı ilə bağlı açıqlama yayıb. “Qafqazinfo”ya daxil olan açıqlamada bildirir ki, F.Quliyev M.Hüseynova pul təklif etdiyini təsdiqləyib:

“Vəkilim olması və fəal şəkildə təbliğatımı aparmasını istədiyimdə, şiş xəstəliyindən əziyyət çəkdiyini və biopsiya materialını labaratoriyaya analizə verdiyini bildirdi. Əgər nəticələr pis olarsa, ümumiyyətlə, seçkidən çəkiləcəyini bildirdi. Mən ona “konsentrasiyanı pozma nəticə nə olur olsun 10-15 min manatlıq bir müalicədir. Dəstək olacağıq, dostlarını səfərbər edərik deyərək təsəlli verdim. Bir alimə oxşar vəziyyətdə kömək etdiyimizi də bildirdim. Əslində montaj olunmuş bu səs yazısının özündə də söhbətin müalicəyə dəstəkdən getdiyi gizlədilə bilinməyib”.