“Qarabağ” ötən il ən yaxşı seçilmiş qapıçını transfer etdi
“Qarabağ” polşalı qapıçı Mateuş Koxalskini transfer edib. “Qafqazinfo” xəbər verir ki, bu barədə klubun rəsmi saytı məlumat yayıb.
Qeyd edilib ki, uzun sürən danışıqlar nəticəsində Polşa təmsilçisi “Stal Mielets”lə razılıq əldə olunub. Klubla 24 yaşlı polşalı qolkiper arasında 3+1 illik müqavilə imzalanıb.
O, “Stal Mielets”in heyətində keçirdiyi ötən mövsümdə Polşa çempionatının ən yaxşı qapıçısı adına layiq görülüb.
Koxalski 2022-ci ilin yayından “Stal Mielets”in şərəfini qoruyub. O, bunadək “Legionoviya Legionovo”, “Radomyak Radom” və “Legiya Varşava”da forma geyinib.
Qeyd edək ki, M.Koxalski bu ilin iyununda Polşanın əsas millisinin AVRO-2024-ə hazırlıq prosesinə dəvət alıb və təlim-məşq toplanışında iştirak edib. O, bunadək U-16, U-17, U-18 və U-19 milli komandalarında da çıxış edib.
Koxalski “Qarabağ”da 99 nömrəli formanı geyinəcək.
Son Xəbərlər
- 1
- 2
- 3
- 4
- 5
- 6
