15 ay sonra geri dönüb dövlət televiziyasını bağlayacağını açıqladı - Video
Macarıstanda parlament seçkilərində qələbə qazanan “Tisza” partiyasının rəhbəri Peter Madyar 15 aydan çox fasilədən sonra ilk dəfə dövlət televiziyasında çıxış edib.
“Qafqazinfo” xəbər verir ki, o, çıxışı zamanı efirə çıxışının uzun fasilədən sonra baş tutduğunu qeyd edib və media sistemi ilə bağlı sərt tənqidlər səsləndirib.
“Başlamazdan əvvəl bunun nə qədər qeyri-adi olduğunu qeyd edim. Məni sonuncu dəfə 15 aydan çox əvvəl ictimai mediaya dəvət etmişdilər.
Ən güclü partiyanın liderinin, nəhayət, efirə qayıtmasına icazə verilməsi üçün 3,3 milyondan çox macardan görünməmiş bir mandat tələb olundu. Bu yalançı xəbər xidmətini dərhal dayandıracağıq.
Hökuməti qurduqdan sonra ilk addımlarımızdan biri bu yalan fabrikini bağlamaq və müxalifətin də səsinin olduğu, həqiqətən, müstəqil bir ictimai yayımçı qurmaq olacaq”, - Madyar qeyd edib.
O, media ilə münasibətlərin uzun müddətdir gərgin olduğunu vurğulayıb: “Məni boykot etdiniz, təhqir etdiniz, hətta uşaqlarımı qaralayaraq məni ləkələməyə çalışdınız, məni, ən böyük müxalifət partiyasının liderini dəvət etməyi dayandırdınız. Buraya qayıtmaq yaxşıdır”.
Aparıcı üzr istəyib, bu zaman Madyar daha yumşaq mövqe nümayiş etdirib: “Hər şey qaydasındadır, şəxsi kinim yoxdur, düzəltməli olduğumuz sistemdir”.
Son Xəbərlər
- 1
- 2
- 3
- 4
- 5
- 6
