Axtarılan körpə su hovuzundan tapıldı - Yenilənib
Astara rayonunda suda boğulma təhlükəsi ilə aşkarlanan uşaq rayon xəstəxanasına çatdırılıb.
“Qafqazinfo” xəbər verir ki, hadisə rayonun Təngərüd kəndində olub.
Belə ki, kənd sakini 2024-cü il təvəllüdlü uşağı axtaran yaxınları onu su hovuzunda huşsuz vəziyyətdə tapıb.
Lənkəran Rayon Mərkəzi Xəstəxanasına hospitalizasiya olunan azyaşlının vəziyyəti ağır qiymətləndirilir.
***
Hadisə ilə bağlı TƏBİB-dən sorğumuza cavab olaraq bildirilib ki, ötən gün saat 21:20 radələrində Astara rayonu Təngərüd kəndində 1 nəfər azyaşlı oğlan boğulma diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub.
Zərərçəkənə zəruri ilkin tibbi xidmətlər göstərilib. Reanimasiya şöbəsinə yerləşdirilib, hazırda vəziyyəti qənaətbəxş qiymətləndirilir.
Surxay Şahbazov
Son Xəbərlər
- 1
- 2
- 3
- 4
- 5
- 6
