Daha bir ata-oğul qəzada həyatını itirdi - Foto+Video
Xəbər verdiyimiz kimi, bu gün Salyan rayonunda ağır yol-nəqliyyat hadisəsi baş verib.
“Qafqazinfo”nun məlumatına görə, qəza zamanı hadisə yerində həyatını itirən 60 yaşlı Vüqar İmanovun oğlu, xəsarət alaraq xəstəxanaya yerləşdirilən 1989-cu il təvəllüdlü Tərlan İmanov da orada vəfat edib.
Məlumata görə, taksi sürücüsü, Sabirabad rayonunun Muğangəncəli kənd sakini, 32 yaşlı Coşqun Məmmədovun idarə etdiyi “Mercedes” markalı minik avtomobili ilə həmkəndlisi, Moskvada yaşayan və Yeni il münasibətilə kəndə gəlmiş Vüqar İmanovu geri dönüş üçün aeroporta aparırmış. Həmin vaxt Vüqarın oğlu Tərlan İmanov da onları müşayiət edirmiş.
Xəsarət alan digər sərnişinlər də ailənin yaxınları olub.
Qeyd edək ki, 37 yaşlı Tərlan İmanov Sabirabadın Çiçəkli kənd orta məktəbində müəllim işləyirmiş.
Xatırladaq ki, bir neçə gün əvvəl Goranboyda da ata və oğlu qəzada həlak olmuşdu.
Surxay Şahbazov
Son Xəbərlər
- 1
- 2
- 3
- 4
- 5
- 6
