Məşhur hücumçu Dubayda həbs olundu
Moskva “Spartak”ının futbolçusu Kuinsi Promes Dubayda həbs olunub.
“Qafqazinfo” xəbər verir ki, Niderland məhkəməsinin qərarı ilə 6 il müddətinə həbs cəzası alan hücumçu komandası ilə təlim-məşq toplanışında olarkən saxlanılıb. 32 yaşlı forvard ölkəsinin hökumətinə təhvil veriləcək.
Niderland millisinin sabiq üzvü 2020-ci ildə külli miqdarda narkotik satışında təqsirli bilinib və 6 il həbs cəzası alıb.
Qeyd edək ki, Kuinsi Promes bu mövsüm “Spartak”ın heyətində meydana çıxdığı 21 rəsmi matçda 8 qol və 8 məhsuldar ötürmə ilə yadda qalıb.
Son Xəbərlər
- 1
- 2
- 3
- 4
- 5
- 6
