Suraxanıda Afaq Bəşirqızı ilə görüş keçirildi - Fotolar
Bu gün Suraxanı Rayon Heydər Əliyev Mərkəzində Bakı Şəhər Mədəniyyət Baş İdarəsinin təşkilatçılığı ilə “Qonağımız var” layihəsi çərçivəsində sevimli gülüş ustası, “Şöhrət” ordenli xalq artisti Afaq Bəşirqızı ilə görüş keçirilib.
“Qafqazinfo” xəbər verir ki, görüşdə Suraxanı Rayon İcra Hakimiyyətinin başçısı Əziz Əzizov, YAP Suraxanı Rayon Təşkilatının sədri Vüqar Seyidov, Bakı Şəhər Mədəniyyət Baş İdarəsinin nümayəndələri, şəhid ailələri, gənclər və rayon ictimaiyyəti iştirak ediblər.
Öncə dövlət himni səsləndirilib, şəhidlərin əziz xatirəsi bir dəqiqəlik sükutla yad edilib.
Aktrisalıq fəaliyyətinə 1973-cü ildə Lənkəran Dövlət Teatrında başlayan, ilk rollarından özünü istedadlı, işgüzar, səhnəyə böyük məhəbbətlə bağlı, daim axtarışda olan sənətkar kimi göstərərək tamaşaçıların dərin rəğbətini qazanan xalq artisti Afaq Bəşirqızının həyat və yaradıcılığı, yaratdığı ölməz obrazları haqqında maraqlı söhbətlər aparılıb.
Suraxanı Rayon İcra Hakimiyyətinin başçısı Əziz Əzizov və YAP Suraxanı Rayon Təşkilatının sədri Vüqar Seyidov çıxış edərək bildiriblər ki, istedadı ilə dərin məzmunlu, unudulmaz surətlər yaradaraq çoxmilyonlu tamaşaçı kütləsinin qəlbinə yol tapan Afaq Bəşirqızı kimi sənətkarlarımız hər zaman xalqımız tərəfindən seviləcək.
Son Xəbərlər
- 1
- 2
- 3
- 4
- 5
- 6
