Xulio İqlesias Dominikan hava limanında saxlanıldı

xulio-iqlesias-dominikan-hava-limaninda-saxlanildi
Oxunma sayı: 2266

İspan ifaçı Xulio İqlesias Dominikan Respublikasında hava limanında saxlanılıb.

“Qafqazinfo” xəbər verir ki, bu barədə ABC nəşri məlumat yayıb.

Hadisənin Punta Kana hava limanında baş verdiyi bildirilir. Baham adalarından gələn müğənninin baqajında ​​40 kq-dan çox ərzaq olub. Dominikan Respublikasında dayanacaq zamanı gömrük işçiləri İqlesiasın ştata idxalı qadağan edilən məhsullar daşıdığını aşkar ediblər.

İfaçı və onunla birlikdə gedənlərin bir neçə saat hava limanında saxlandığı qeyd edilir. Vəziyyətin həllinə Dominikan Respublikasının hakimiyyət orqanları qoşulub. Daha sonra müğənni və digər saxlanılanlar sərbəst buraxılıb.

Qeyd edək ki, 80 yaşlı Xulio İqlesias kommersiya baxımından ən uğurlu ispandilli ifaçılardan biridir.