“Yarışın səviyyəsi dünya çempionatına bərabər idi”

yarisin-seviyyesi-dunya-cempionatina-beraber-idi
Oxunma sayı: 2263

“Bu, mənim üçün çox böyük uğurdur”.

“Qafqazinfo” xəbər verir ki, bunu Tailandın Phuket şəhərindəki Dünya Kubokunda 3 gümüş medal qazanan Azərbaycan ağırlıqqaldıranı Dadaş Dadaşbəyli deyib.

Bakıda qarşılanma zamanı jurnalistlərə açıqlama verən idmançı yarışın səviyyəsinin dünya çempionatına bərabər olduğunu söyləyib:

“Avropa çempionatındakı zədəmlə əlqədar olaraq məşqlərə qoşula bilməmişdim. Turnirdə iştirakım üçün federasiyanın vitse-prezidenti Firdovsi Umudov böyük dəstək verdi. Mənə olan etimadı doğruldub 3 gümüş medal qazandım.

Dünya çempionatından 3 bürünc qazansam da, bu nəticələrdə mənim uğurlarım sırasına əlavə olundu. Bundan sonra mundiala hazırlaşacağam. Gələcək hədəflərim və iştirak edəcəyim yarışlar çoxdur”.