İnsan alveri ilə məşğul olan 67 yaşlı qadına ağır cəza verildi
Azərbaycanlı qadınları Türkiyəyə apararaq onları cinsi istismara məruz qoyan 67 yaşlı şəxs həbs edilib.
“Qafqazinfo”nun əldə etdiyi məlumata görə, bir müddət əvvəl Qəbələ rayon sakini olan 2 qadın hüquq-mühafizə orqanlarına müraciət edərək, digər rayon sakini olan 1955-ci il təvəllüdlü Q.Qədirovanın onları aldadaraq Türkiyəyə apardığını və orada cinsi istismara məruz qoyduğunu bildirib.
Faktla bağlı Cinayət Məcəlləsinin 144-1.2.1, 144-1.2.2, 144-1.2.4-1-ci maddələri (İnsan alveri - iki və ya daha çox şəxs barəsində törədildikdə; təkrar törədildikdə; dövlət sərhədindən keçirməklə törədildikdə) ilə iş açılıb.
İşə Şəki Ağır Cinayətlər Məhkəməsində baxılıb. Məhkəmənin hökmü ilə Q.Qədirova qeyd edilən cinayətlərdə təqsirli bilinərək 8 il müddətinə azadlıqdan məhrum edilib. O, məhkəmə zalındaca həbs edilib.
Nizam Rza
Son Xəbərlər
- 1
- 2
- 3
- 4
- 5
- 6
