Kanadanın Baş naziri Ankaraya getdi - Video
Kanadanın Baş naziri Mark Karni Ankaraya rəsmi səfər edib.
“Qafqazinfo” xəbər verir ki, o bu barədə “X” hesabında Ankaraya eniş kadrlarını paylaşaraq məlumat verib.
Bu səfərin Kanada Baş naziri səviyyəsində Türkiyəyə edilən ilk ikitərəfli səfər olduğunu vurğulayan Karni “Əməkdaşlığımızı bir üst səviyyəyə qaldırmaq üçün buradayıq” sözlərini qeyd edib.
Kanada hökumətinin rəhbəri 85 milyondan çox əhalisi olan Türkiyə bazarına çıxışı genişləndirmək, hər iki ölkənin çalışanları və biznes dairələri üçün yeni iqtisadi imkanlar yaratmaq istədiklərini bildirib.
Səfər çərçivəsində Kanada Baş naziri Mark Karninin Türkiyə Prezidenti Rəcəb Tayyib Ərdoğanla görüşməsi, ardınca isə birgə mətbuat konfransı keçirməsi nəzərdə tutulur. Karninin daha sonra İstanbula gedəcəyi gözlənilir.
Landed in Ankara.
— Mark Carney (@MarkJCarney) October 22, 2026
This is the first bilateral visit to Türkiye by a Canadian Prime Minister, and we’re here to elevate our partnership.
Unlocking access to a market of more than 85 million people. Creating new economic opportunities for our workers and businesses. https://t.co/wVs344cLeX
Son Xəbərlər
- 1
- 2
- 3
- 4
- 5
- 6
