Qardaşı ilə oynayan 13 yaşlı qız bıçaq xəsarəti aldı - Yenilənib
Bakıda 13 yaşlı qız bıçaqlanıb.
“Qafqazinfo” Oxu.Az-a istinadən xəbər verir ki, hadisə gecə saatlarında Suraxanı rayonu ərazisində baş verib.
Belə ki, 2013-cü il təvəllüdlü A.Məmmədova bıçaq xəsarətləri ilə xəstəxanaya yerləşdirilib.
İlkin məlumata görə, yeniyetmə qardaşı tərəfindən bıçaqlanıb.
Faktla bağlı araşdırmalar aparılır.
***
13 yaşlı qızın bıçaq xəsarəti almasının təfərrüatı məlum olub.
Hadisə gecə saatlarında paytaxtın Suraxanı rayonu, Yeni Suraxanı qəsəbəsindəki mənzillərdən birində baş verib.
2013-cü il təvəllüdlü A.Məmmədova evdə autizm xəstəliyindən əziyyət çəkən 2022-ci il təvəllüdlü qardaşı ilə oynayırmış və həmin vaxt oğlanın əlində bıçaq olub. Yeniyetmə qız qardaşını qucaqlayarkən ehtiyatsızlıqdan qarın nahiyəsindən bıçaq xəsarəti alıb.
Faktla bağlı polis əməkdaşları tərəfindən araşdırmalar davam etdirilir.
Son Xəbərlər
