Ukrayna klubu Andrade üçün bu qədər ödəyib
“Qarabağ”ın aparıcı futbolçularından olan Leandro Andrade Ukrayna klubuna transfer olunub.
“Qafqazinfo” xəbər verir ki, Ukrayna Premyer Liqasının bürünc mükafatçısı “Polissya Jitomir” Kabo-Verde əsilli vingerlə rəsmi müqavilə imzalayıb.
Klubun mətbuat xidmətinin yaydığı məlumata görə, Portuqaliya vətəndaşlığı da daşıyan 26 yaşlı futbolçu ilə 2029-cu ilin iyun ayının sonuna kimi müqavilə bağlanıb. Yarımmüdafiəçi yeni komandasında 11 nömrəli formanı geyinəcək.
Ukrayna təmsilçisi bu transfer üçün Ağdam klubuna 3 milyon avro ödəyib.
Xatırladaq ki, Kabo-Verde millisinin üzvü “Qarabağ”ın heyətində hücum xəttinin əsl liderinə çevrilmişdi. O, “köhlən atlar”ın heyətində ümumilikdə 213 oyuna çıxıb, 60 qol vurub və 61 məhsuldar ötürmə müəllifi olub.
Son Xəbərlər
- 1
- 2
- 3
- 4
- 5
- 6
