Azərbaycanın qaldırdığı etirazlarla bağlı ictimai dinləmələr başa çatıb

azerbaycanin-qaldirdigi-etirazlarla-bagli-ictimai-dinlemeler-basa-catib
Oxunma sayı: 1446

Beynəlxalq Ədalət Məhkəməsində Azərbaycanın qaldırdığı ilkin etirazlar əsasında aprelin 15-də başlayan dinləmələr başa çatıb.

“Qafqazinfo” xəbər verir ki, bu barədə məlumat məhkəmənin saytında yerləşdirilib. 

Məlumata görə, irqi ayrı-seçkiliyin bütün formalarının ləğv edilməsi haqqında Beynəlxalq Konvensiyanın (Ermənistan Azərbaycana qarşı) tətbiqi ilə bağlı iş üzrə Azərbaycanın Beynəlxalq Ədalət Məhkəməsində qaldırdığı ilkin etirazlara dair ictimai dinləmələr bu gün başa çatıb.

Dinləmələrdə Azərbaycan nümayəndə heyətinə xarici işlər nazirinin müavini Elnur Məmmədov, Ermənistan nümayəndə heyətinə isə Ermənistanın beynəlxalq hüquqi məsələlər üzrə nümayəndəsi Yegişe Kirakosyan rəhbərlik ediblər.

Məhkəmənin hazırda öz müşavirəsinə başlayacağı qeyd olunub.