Çindən Azərbaycana uçan sərnişinlər saatlardır aeroportda qalıb - Video

cinden-azerbaycana-ucan-sernisinler-saatlardir-aeroportda-qalib
Oxunma sayı: 4265

Çinin Quançjou şəhərində yerləşən Baiyun hava limanında bir qrup azərbaycanlı çıxılmaz vəziyyətdə qalıb.

Bu barədə “Qafqazinfo”ya aeroportda olan vətəndaşlarımızdan biri, iş adamı Ramal Şəmşədli məlumat verib.

O bildirib ki, hava limanında bir sutkadan artıq gözləyirlər: 

“Ötən gün buranın saatı ilə 12:30-da uçuşumuz olmalı idi. Əvvəl 2, sonra 3, daha sonra isə dedilər ki, 5 saat sonra uçacaqsınız. Demək olar ki, bizi bir sutka ac-susuz gözlətdilər. Burada sadəcə azərbaycanlılardır. 60-a yaxın azərbaycanlı var. Başqa heç bir ölkənin nümayəndəsi də yoxdur. İndi də bizə deyirlər ki, 3 gün gözləyəcəksiniz, sonra uçacaqsınız. Nə hotel dəstəyi verən var, nə də biletimiz geri qaytarırlar ki, biz başqa ölkə ilə uçuş edək. Burada yaşlı, uşaq, qadın var. Hamımız qalmışıq belə gözləyə-gözləyə. Heç bir səbəb də göstərilmir. Gah havanın pis olmasını səbəb gətirdilər, gah da dedilər ki, bizim uçuşumuz yoxdur”.