“Ən qısa müddətdə bu ölkəni tərk edin”
ABŞ-nin İraqdakı səfirliyi ölkədə yaşayan və ya səfərdə olan ABŞ vətəndaşlarına təhlükəsizlik səbəbindən İraqı dərhal tərk etməyi tövsiyə edib.
“Qafqazinfo” xəbər verir ki, səfirliyin yaydığı xəbərdarlıqda son regional hadisələr fonunda təhlükəsizlik risklərinin artdığı vurğulanıb.
ABŞ vətəndaşlarına son dərəcə ehtiyatlı olmaları, ətrafı diqqətlə izləmələri və yerli xəbər mənbələrini mütəmadi olaraq izləmələri tövsiyə edilib.
Qeyd olunub ki, bölgədəki vəziyyət hava nəqliyyatına da təsir göstərə bilər. Uçuşlarda gecikmələrin və ya ləğvlərin baş verə biləcəyi, hava məkanının isə əvvəlcədən xəbərdarlıq edilmədən bağlana biləcəyi bildirilib.
Bu səbəbdən ABŞ vətəndaşlarına İraqa səfər etməmək, hazırda ölkədə olanlara isə mümkün olan ən qısa müddətdə İraqı tərk etmək tövsiyə olunub.
Son Xəbərlər
- 1
- 2
- 3
- 4
- 5
- 6
