Azərbaycan Müdafiə Nazirliyi Ermənistan silahlı qüvvələrinin sentyabrın 27-dən etibarən cəbhəboyu zonada genişmiqyaslı təxribat törətməsi və ordumuzun mövqelərini, yaşayış məntəqələrimizi atəşə tutması ilə bağlı videoməlumat yayıb.

“Qafqazinfo” xəbər verir ki, bildirilir ki, nəticədə bir neçə mülki şəxs həlak olub və yaralanıb. Təxribatın qarşısını almaq məqsədilə qoşunlarımız cəbhə boyu əks hücuma başlayıb və bir neçə kəndi işğaldan azad edib.

Prezident İlham Əliyevin qismən səfərbərlik elan edilməsi ilə bağlı sərəncamından sonra 10 minlərlə insan ordu sıralarına könüllü olaraq yazılıb və onlar məşğələ təlimlərə cəlb edilib. 

Onlar böyük həvəslə təlimlərə qoşulduqlarını deyiblər: “Bizim ordumuzda ruh yüksəkliyi çox yüksəkdir. Artıq 92-ci il deyil, çox böyük dəyişiklər baş verib. Bizim ordumuz çox güclüdür. Mənim bölüyüm də mənimlə bərabər bütün tapşırıqları yerinə yeritməyə hazırdır”.

Hazırda təlimlərə cəlb olunan, səfərbərliyə çağırılan və könüllü olaraq müraciət edənlər tezliklə döyüşlərə qoşulmaq üçün səbirsizlənirlər: “Əsgərlərin tətiyi basmaq üçün barmaqları qaşınır. Komandirlərimizin əmrlərini gözləyirik ki, qabağa gedək. Qələbə bayrağını Şuşada, Qarabağın mərkəzində dalğalandıracağıq!”

Kadrlardan da görünür ki, hər kəsin vətənpərvərlik hissi yüksək səviyyədədir.