Külək irigövdəli ağacı yola aşırdı - Video-Yenilənib
Günorta saatlarından Cəlilabad rayonunda müşahidə olunan küləkli hava rayonda müəyyən problemlərə səbəb olub.
“Qafqazinfo”xəbər verir ki, Cəlilabad-Göytəpə yolunda və Göytəpə şəhərində ağacları aşırıb, xüsusilə yol ətrafındakı istixanalara ciddi ziyan vurub.
İrigövdəli ağacların yolun hərəkət hissəsini düşməsi ilə nəqliyyatın hərəkətində məhdudiyyət yaranıb.
Hazırda aşan ağacların yoldan kənarlaşdırılması istiqamətində iş aparılır. Əraziyə Dövlət Yol Polisi əməkdaşları da cəlb olunub və hərəkətin təhlükəsizliyinin təmin edilməsi üçün tədbirlər görülür.
Hazırda cənub bölgəsində güclü külək davam edir.
***
Həmin ərazidə hərəkətin təhlükəsizliyi polis əməkdaşları tərəfindən təmin olunub. Polis və Aidiyyəti qurumlar tərəfindən hər iki istiqamətdə nəqliyyatın hərəkəti tam bərpa olunub.
Surxay Şahbazov
Son Xəbərlər
