Masallıda ticarət mərkəzində güclü yanğın - Video - Yenilənib
Masallı şəhərində yerləşən və “Köhnə bazar” adı ilə tanınan ticarət mərkəzində güclü yanğın başlayıb.
“Qafqazinfo” xəbər verir ki, hadisə yerinə bir neçə yanğınsöndürmə briqadası cəlb edilib.
***
FHN yanğınla bağlı məlumat yayıb. Bildirilib ki, qurumun “112” qaynar telefon xəttinə Masallı şəhərində bazar ərazisində mağazada yanğın olması barədə məlumat daxil olub.
Məlumatla əlaqədar FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunublar.
Hazırda yanğınsöndürmə işləri həyata keçirilir.
Əlavə məlumat veriləcək.
***
TƏBİB-dən verilən məlumata görə, bu gün saat 16:19-da Masallı şəhərində bazar ərazisində mağazada yanğın olması ilə bağlı qurumun tabeliyindəki Masallı Rayon Mərkəzi Xəstəxanasının Təcili tibbi yardım şöbəsinə çağırış daxil olub.
Hadisə yerinə 3 təcili tibbi yardım briqadası cəlb olunub.
Yanğınla bağlı 5 nəfər (kişi) Masallı Rayon Mərkəzi Xəstəxanasına təxliyə olunub. 1 nəfərə sol qolun kəsilmiş yaraları, 4 nəfərə tüstü zəhərlənməsi diaqnozu ilə ilkin tibbi yardım göstərilib. Vəziyyətləri stabil qiymətləndirilir.
***
FHN-dən bildirilib ki, görülmüş zəruri və təxirəsalınmaz tədbirlər sayəsində yanğın məhdudlaşdırılıb.
Hazırda yanğının tam söndürülməsi istiqamətində tədbirlər davam etdirilir.
Son Xəbərlər
- 1
- 2
- 3
- 4
- 5
- 6
