Mehri meri rüşvət işi üzrə saxlanıldı
Ermənistanın Zəngəzur (Sünik) vilayətində hüquq-mühafizə orqanları tərəfindən irimiqyaslı əməliyyat keçirilib.
“Qafqazinfo” “1lurer.am” saytına istinadla xəbər verir ki, ölkənin Korrupsiyaya Qarşı Mübarizə Komitəsi icma rəhbəri də daxil olmaqla 8 nəfərin saxlanıldığını təsdiqləyib.
“Rüşvətlə alma və rüşvət vermə faktları üzrə Ermənistan Korrupsiyaya Qarşı Mübarizə Komitəsində başlanan cinayət işi çərçivəsində 8 nəfər saxlanılıb. Onların arasında Mehri icmasının rəhbəri Xaçatur Andreasyan və Ətraf Mühitin Mühafizəsi – Eko-Patrul Xidmətinin Sünik vilayət bölməsinin rəisi də var. İstintaqın maraqları naminə hələlik digər təfərrüatları açıqlaya bilmirik”, – deyə komitədən verilən rəsmi açıqlamada qeyd olunub.
Son Xəbərlər
- 1
- 2
- 3
- 4
- 5
- 6
