Məhkəmə Neftçalanın icra başçısı və müavini ilə bağlı qərar verdi - Yenilənib

mehkeme-neftcalanin-icra-bascisi-ve-muavini-ile-bagli-qerar-verdi
Oxunma sayı: 23369

Dövlət Təhlükəsizliyi Xidmətinin Neftçala rayonunda keçirdiyi kompleks əməliyyat tədbirləri nəticəsində saxlanılan vəzifəli şəxslər barəsində həbs qətimkan tədbiri seçilməsi üçün istintaqın məhkəməyə verdiyi təqdimata baxılıb.

"Qafqazinfo"nun verdiyi xəbərə görə, Səbail rayon məhkəməsinin qərarı ilə rayon icra başçısı İsmayıl Vəliyev və şöbə müdiri Anar Cəfərov barəsində 4 ay müddətinə həbs qətimkan tədbiri seçilib.

Onlar rüşvət alma, rüşvət vermə, mənimsəmə və vəzifələ səlahiyyətlərindən sui-istifadə etməkdə ittiham olunur.

Xatırladaq ki, Prezident İlham Əliyevin sərəncamı ilə İsmayıl Məhərrəm oğlu Vəliyev Neftçala Rayon İcra Hakimiyyətinin başçısı vəzifəsindən azad edilib.

**

Səbail rayon məhkəməsinin qərarı ilə rayon icra başçısının birinci müavini Vurğun Əkbərov, rayon xəstəxanasının baş həkimi Telman Zahidov və rayon Təhsil şöbəsinin müdiri Əjdər Kərimov barəsində də 4 ay müddətinə həbs qətimkan tədbiri seçilib.

Qeyd edək ki, icra başçısının digər müavini Gültəkin Sadıqova ilə bağlı məhkəməyə təqdimat verilməyib. Onun barəsində istintaq özü iltizam qətimkan tədbiri seçilib.

Murad Əhməd