“Heç özüm də bilmədim ki, bu hadisə necə baş verdi. Çox əsəbi idim, təzyiqim qalxmışdı. Nəvəmi məktəbdən gətirirdim. Kaş olmayaydı”.
"Qafqazinfo" xəbər verir ki, bunu Gununsesi.info-ya açıqlamasında paytaxtda motosiklet sürücüsünü döyən vəzifəli şəxs - Sultan Dadaşov yayılmış görüntülərinə münasibətində deyib.
O bildirib ki, həmin an özündə olmayıb və işdən azad olunacağını da gözləyir:
“Mən təəssüf edirəm. Nə qərar versələr, hazıram”.
Qeyd edək ki, Sultan Dadaşovun Prezident Aparatında işlədiyi deyilir.
Həmçinin oxuyun: “Lexus”la motosiklet sürücüsünün ayağının üstündən keçdi, döyüb təhqir etdi - Video
Motosiklet sürücüsünü döyüb təhqir edən şəxs barədə DİN-dən - Açıqlama