Qazaxıstan, Qırğızıstan və Özbəkistan işıqsız qaldı - Yenilənib
Yanvarın 25-i Qazaxıstan, Qırğızıstan və Özbəkistanın bir sıra şəhərlərində elektrik enerjisinin verilişində fasilələr yaranıb.
“Qafqazinfo” “İzvestiya”ya istinadən xəbər verir ki, əsas olaraq Almatı şəhərində, Almatı vilayətində, Bişkek və Daşkənddə elektrik enerjisinin verilişi kəsilib.
Qırğızıstan paytaxtının da böyük hissəsi işıqsız qalıb. Bişkek şəhərində işıqforlar işləmir, nasos stansiyasının işinin dayanması səbəbindən hündürmərtəbəli evlərdə su kəsilib.
Şahidlərin sözlərinə görə, Qırğızıstanın digər böyük şəhərlərində də hazırda işıq yoxdur.
Eyni zamanda, Özbəkistanın da bir çox bölgəsində elektrik enerjisi kəsilib.
“AKİpress” yazır ki, ilkin məlumata görə, regionda kütləvi şəkildə elektrik enerjisinin kəsilməsi Mərkəzi Asiyanın vahid enerji sistemində baş vermiş qəza ilə bağlı ola bilər.
***
Elektrik enerjisi verilişinin kəsilməsi səbəbindən Özbəkistanın paytaxtı Daşkənd şəhərində metronun fəaliyyəti müvəqqəti olaraq dayandırılıb.
Bununla yanaşı, Daşkənd hava limanı yalnızca reysləri qəbul edir.
Bişkek hava limanı tam qaydada işləməsə də, fəaliyyətini davam etdirir. Həmçinin Almatı Beynəlxalq Hava Limanı və şəhər metropoliteni hazırda işləyir.
Son Xəbərlər
- 1
- 2
- 3
- 4
- 5
- 6
