Tramp son anda İrana hücum əmrini ləğv edibmiş
ABŞ Prezidenti Donald Trampın münaqişənin diplomatik yolla həllinə meyllənməsi səbəbindən Vaşinqton İrana növbəti gecə zərbələrini endirməkdən imtina edib.
“Qafqazinfo” xəbər verir ki, bu barədə “Axios” nəşri etibarlı mənbələrə istinadən məlumat yayıb.
Mənbələrin iddiasına görə, gecə hücumuna cəmi bir neçə saat qalmış Oman nümayəndə heyətinin Tehranla aparılan danışıqlarda irəliləyiş əldə etdiyi bəlli olub.
Qeyd olunur ki, hər gün İrana qarşı yeni zərbə əmrini şəxsən verən Tramp bu dəfə hərbçilərə əməliyyatların genişləndirilməsi üçün hazırlıq təlimatı verməyib. Bununla belə, mənbə ABŞ-nin hərbi fəallığının hər an bərpa oluna biləcəyini vurğulayıb.
Xatırladaq ki, bir qədər əvvəl Tramp Vaşinqtonun Tehrandan istədiyini 100% almayacağı təqdirdə genişmiqyaslı hərbi əməliyyatların bərpa olunacağını bildirmişdi. Lakin o, konkret hansı tələblərin irəli sürüldüyünü açıqlamamışdı.
Son Xəbərlər
- 1
- 2
- 3
- 4
- 5
- 6
