Trampdan Kanadaya ağır ittiham - “Bizi illərdir qarət edirlər”
ABŞ Prezidenti Donald Tramp Kanada ilə ticarət əlaqələrindən bəhs edərkən Ottavanı sərt tənqid edib.
“Qafqazinfo” xəbər verir ki, Tramp bu barədə “Truth Social” sosial şəbəkəsindəki hesabında paylaşım edib.
Ağ Ev rəhbəri bildirib ki, son 10 il ərzində ABŞ Kanada ilə ticarətdə hər il təxminən 60 milyard dollar itirib:
“Kanada onilliklər ərzində ABŞ-ni qarət edib. Onlar bizim fermerlərimizdən 400 faiz və daha çox rüsum tuturlar. Bir çox möhtəşəm Amerika şirkətini biznesdən sıxışdırıb çıxarıblar. Mən bir çox ölkələrlə iş aparıram və Kanada, şübhəsiz ki, ən çətin və qeyri-ağlabatan tərəfdaşdır”, – deyə Tramp qeyd edib.
Məlumat üçün bildirək ki, bundan əvvəl ABŞ-nin ticarət danışıqlarındakı nümayəndəsi Ceymison Qrir Kanadanın ticarət sazişinin razılaşdırılmasını başa çatdırmaqdan imtina etdiyini bəyan etmişdi.
Xatırladaq ki, bu ilin əvvəlində Tramp bir neçə dəfə Kanadanın 51-ci ştat kimi ABŞ-yə birşədirilməsi təklifi ilə çıxış etsə də, aprel ayında bu ideyadan daşındığını etiraf etmişdi. ABŞ lideri Kanada dövlətinin de-fakto başçısı kimi Böyük Britaniya Kralı III Çarlz qaldıqca, onun bu ölkədəki hakimiyyətinə qəsd etmək niyyətində olmadığını bildirmişdi.
Son Xəbərlər
- 1
- 2
- 3
- 4
- 5
- 6
