Yenə Gəncə, yenə ən çox azarkeş
Misli Premyer Liqasında 6-cı turun rəsmi protokollarına əsasən, ən çox azarkeş sayı yenə Gəncədə qeydə alınıb.
“Qafqazinfo” xəbər verir ki, “Kəpəz” – “Sumqayıt” matçını stadionda 14 min 500 tamaşaçı izləyib. Bu, turun rekord göstəricisi olub.
Bu göstəricidə ikinci yeri “Turan Tovuz” – “Zirə” matçı tutur - 4000 tamaşaçı. Sonrakı yerlərdə “Qarabağ” – “Şəfa” (1200), “Sabah” – “İmişli” (1150), “Şamaxı” – “Araz Naxçıvan” (1100) matçları qərarlaşıb. Ən az azarkeş isə “Qəbələ” – “Neftçi” oyununa gəlib - 800 nəfər.
Beləliklə, 6-cı tura stadionlarda ümumən 22 min 750 azarkeş baxıb.
Xatırladaq ki, bu mövsüm ən çox azarkeş rekordu da da Gəncəyə məxsusdur. “Kəpəz” – “Şamaxı” oyununu stadionda 15 min tamaşaçı izləyib.
Son Xəbərlər
- 1
- 2
- 3
- 4
- 5
- 6
