Bu gün Topaz Premyer Liqasında 13-cü tura start verilir. “Qafqazinfo” xəbər verir ki, ilk oyun günündə 2 görüş baş tutacaq.
İlk olaraq "Qəbələ" meydana çıxacaq. Roman Qriqorçukun komandası səfərdə "Sumqayıt"ın qonağı olacaq. Son oyunlarda uğursuz nəticələr qazanan "qırmızı-qaralar"ın bu matçda nə edəcəyi maraqla gözlənilir.
Bundan bir qədər sonra isə Bakıda - Tofiq İsmayılov adına Suraxanı qəsəbə stadionunda ("Azərsun Arena") start fiti səslənəcək. Lider "Qarabağ" cari mövsüm ilk oyunda məğlub etdiyi "Kəpəz"i yenə üstələməyə çalışacaq.