Bakıda “Avroviziya-2012” Beynəlxalq Mahnı Müsabiqəsində qalib gəlmiş isveçli müğənni Loreen yenidən ölkəsini yarışmada təmsil edəcək.
“Qafqazinfo” xəbər verir ki, o, “Avroviziya-2023” milli seçim turunda “Tattoo” mahnısı ilə qalib olub.
Loreen mayın 9-da (ilk yarımfinal) Liverpul səhnəsində çıxış edəcək.
O, müsabiqənin əsas favoritlərindən biri hesab olunur.
Xatırladaq ki, Loreen Bakıda baş tutmuş “Avroviziya-2012”də “Euphoria” mahnısı ilə qalib olmuşdu. Müğənni 372 xal toplamışdı.