Bakıda yaşayış binasında güclü yanğın - Yenilənib - Video
Paytaxtın Xətai rayonu ərazisində - metronun “Həzi Aslanov” stansiyasının yaxınlığında yerləşən binada yanğın başlayıb.
“Qafqazinfo” xəbər verir ki, binadan ətrafa güclü qara tüstü yayılır.
FHN Mətbuat xidmətindən sorğumuza cavab olaraq bildirilib ki, əraziyə yanğınsöndürmə briqadaları göndərilib: “Nazirliyin “112” qaynar telefon xəttinə Bakı şəhəri, Xətai rayonu, M.Hadi küçəsində yerləşən çoxmərtəbəli yaşayış binasında yanğın baş verməsi barədə məlumat daxil olub.
Məlumatla əlaqədar dərhal əraziyə FHN-in Dövlət Yanğından Mühafizə Xidmətinin və Bakı Regional Mərkəzinin qüvvələri cəlb olunub.
Hazırda yanğının söndürülməsi istiqamətində tədbirlər davam etdirilir. Əlavə məlumat veriləcək”.
***
Yanğınla əlaqədar polis əməkdaşları hadisə yerinə cəlb ediliblər.
DİN-in mətbuat xidmətindən bildirilib ki, hazırda polis əməkdaşları tərəfindən hadisə yeri mühafizə edilərək təhlükəsizlik tədbirləri görülür.
***
FHN-dən bildirilib ki, havanın küləkli olmasına baxmayaraq, qurumun qüvvələri tərəfindən görülmüş zəruri və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə söndürülüb.
Təhlükəsizlik tədbirləri çərçivəsində bina sakinləri təxliyə edilib.
Video: Könül Aypara
Son Xəbərlər
- 1
- 2
- 3
- 4
- 5
- 6
