Rusiyanın xarici işlər naziri Sergey Lavrov və ABŞ-ın Dövlət katibi Entoni Blinken arasında görüş başlayıb.

“Qafqazinfo” “RİA Novosti”yə istinadən xəbər verir ki, danışıqlar İsveçrənin Cenevrə şəhərində keçirilir.

Tərəflər təhlükəsizliyin təminatı məsələlərini müzakirə edəcəklər. Görüşdən sonra isə ayrı-ayrılıqda mətbuat konfransı keçirəcəklər.

***

Sergey Lavrov Entoni Blinkenlə görüşdən irəliləyiş gözləmədiyini, lakin Rusiyanın təhlükəsizlik təminatı ilə bağlı təkliflərinə cavab gözlədiyini bildirib: “Siz bu yaxınlarda Avropa turunuz zamanı verdiyiniz açıqlamaların birində qeyd etdiniz ki, bu görüşdən irəliləyiş gözləmirsiniz. Biz də bu görüşdən irəliləyiş gözləmirik, təkliflərimizə cavab gözləyirik. Təkliflər son dərəcə spesifikdir. Biz təhlükəsizliyin bölünməzliyi problemlərinə dair ATƏT çərçivəsində ən yüksək səviyyədə qəbul edilmiş öhdəliklərə uyğun və onlara tam uyğun olaraq eyni konkret cavabları gözləyirik. Heç bir ölkə öz təhlükəsizliyini başqa bir ölkənin təhlükəsizliyi hesabına gücləndirməsin. Mən ABŞ-ın bu öhdəlikləri necə şərh etdiyini eşitməkdə maraqlı olacağam”.

***

Rusiya XİN rəhbərinin sözlərinə görə, rəsmi Moskva Cenevrədəki danışıqların ABŞ-a Moskvanın təhlükəsizlik zəmanətləri ilə bağlı bütün təkliflərinə konkret cavablar hazırlamağa kömək edəcəyini gözləyir.

Lavrov hesab edir ki, Blinkenlə təhlükəsizliyə zəmanətlə bağlı görüşmək yaxşı fikirdir: “Siz mənə telefonla zəng edib, narahatlığımızı aydınlaşdırmaq üçün görüşməyi təklif edəndə biz bunun yaxşı fikir olduğunu düşündük, çünki ümid edirik ki, bu görüş bütün təkliflərimizə konkret cavablar hazırlamağa və təklifləriniz varsa, öz əksini tapmağa kömək edəcək”.

Lavrov daha sonra əlavə edib: “Bundan başqa, Rusiya hesab edir ki, Dövlət Departamenti “Ukrayna ilə bağlı Rusiya dezinformasiyası” ilə bağlı bəyanat fonunda fikrini Moskvanın təhlükəsizlik zəmanətləri ilə bağlı təklifləri üzərində cəmləşdirər. 

Dünən və bu gün Dövlət Departamenti tərəfindən “genişmiqyaslı Rusiya dezinformasiyası” adlandırdığınız məsələ ilə bağlı hazırladığı çox sayda materialı oxuduq. Böyük maraqla bu işlərlə tanış olardım. Ümid edirəm ki, Dövlət Departamentində məşğul olmayıb və diqqətini sizə verdiyimiz təkliflərimizin mahiyyəti üzərində cəmləşdirib”.

***

Entoni Blinken isə bildirib ki, ABŞ və avropalı tərəfdaşları Ukraynada vəziyyətin dinc yolla nizamlanmasında maraqlıdırlar.

Onun sözlərinə görə, bugünkü danışıqların məqsədi gərginliyin azaldılması və Kiyevə qarşı gələcək təcavüzün qarşısının alınmasıdır: “Bu danışıqlar gərginliyin azaldılması və Rusiyanın Ukraynaya qarşı gələcək təcavüzün qarşısının alınması üzrə ardıcıl səylərin bir hissəsidir”.

E. Blinken, həmçinin qeyd edib ki, əgər diplomatik səylər uğursuz nəticələnərsə və Rusiya Ukraynaya qarşı aqressiv addımlar atmağa qərar verərsə, ABŞ və onun tərəfdaşları Moskvaya ağır nəticəli sürətli birgə cavab verməyə hazırdırlar.

***

S. Lavrovla E. Blinken arasında görüş başa çatıb.

Görüş 1,5 saat davam edib.