Ermənistanda hərbi hissədə gecə saatlarında yanğın baş verib.
"Qafqazinfo" xəbər verir ki, bu barədə Ermənistan Müdafiə Nazirliyi məlumat yayıb.
Bildirilib ki, 15 nəfər erməni ölüb, 3 nəfərin vəziyyəti isə ağırdır.
Yanğının başvermə səbəbi məlum deyil. Hadisə ilə bağlı araşdırma aparılır.
***
Yanğının Basarkeçər rayonunun Azad kəndində yerləşən hərbi hissələrinin birində baş verdiyi bildirilir.
Faktla bağlı araşdırma aparılır.
***
Hərbi hissədəki yanğını 5 saata söndürmək mümkün olub.
Ermənistan mediasının yaydığı məlumata görə, hərbi hissədə yanğının baş verməsi ilə bağlı məlumat 01:15-də daxil olub. 02:58-də lokallaşdırılan yanğın 06:33-də söndürülüb.
***
Ermənistan İstintaq Komitəsinin ilkin versiyasına görə, kazarmada baş verən yanğına səbəb məkanın isidilməsi zamanı təhlükəsizlik qaydalarının pozulması olub.