FED-in qərarının nəticəsi - Neft ucuzlaşdı
ABŞ Mərkəzi Bankının dolların uçot dərəcəsini artırması haqda qərarı artıq neftin qiymətinə təsir edib.
“Qafqazinfo” RİA Novosti-yə istinadən xəbər verir ki, Brent markalı neftin bir barreli 3,34% ucuzlaşıb. Hazırda bu markalı neftin bir barreli 37,44 dollardan satılır.
WTI markasından da xoş xəbər yoxdur. Belə ki, WTI-nin bir barreli üçün qiymət 35,30 dollarda qərarlaşıb. Bu, 4,81% ucuzlaşma deməkdir.
Qeyd edək ki, daha əvvəl Brent neftinin qiyməti 38,86 dollar idi.
Xatırladaq ki, bir neçə saat əvvəl bitən ABŞ Mərkəzi Bankı – FED-in Federal Açıq Bazar Komitəsinin iclasında son 7 ildə ilk dəfə mərkəzləşdirilmiş kreditlər üzrə uçot dərəcəsinin artırılmasına – 0,25%-dən 0,50%-ə çatdırılmasına qərar verilib.
Son Xəbərlər
- 1
- 2
- 3
- 4
- 5
- 6
