İspaniya “Qızıl viza”nı ləğv edir

ispaniya-qizil-vizani-legv-edir
Oxunma sayı: 2415

“İspaniyada daşınmaz əmlaka böyük sərmayə qoyan əcnəbilərə yaşamaq hüququ verən “Qızıl viza” proqramı ləğv ediləcək”.

“Qafqazinfo” “Reuters”ə istinadən xəbər verir ki, bunu İspaniyanın Baş naziri Pedro Sançez jurnalistlərə açıqlamasında bildirib.

Qeyd edək ki, proqram ispan daşınmaz əmlakına ən azı 500.000 avro (541.250 ABŞ dolları) sərmayə qoyan qeyri-Aİ vətəndaşlarına üç il ərzində ölkədə yaşamaq və işləmək üçün xüsusi icazə verir.

İspaniyada sözügedən proqramdan faydalananların 96 faizi bunu daşınmaz əmlak alaraq həyata keçirib. Bundan daha çox Çin, ABŞ, Rusiya və İran vətəndaşları faydalanıb.