Türkiyənin məşhur aktrisası, müğənni Zuhal Olcay keçmiş əri, 71 yaşlı aktyor Haluk Bilginer tərəfindən xəyanətə uğraması barədə danışıb.

“Qafqazinfo” Türkiyə mətbuatına istinadən xəbər verir ki, bir neçə gün öncə yutubda yayımlanan bir proqramda qonaq olan 68 yaşlı aktrisa açıqlamaları ilə gündəmə gəlib.

Belə ki, Olcay ona ünvanlanan “Haluk səni aldatdı, nə hiss etdin?” sualına belə cavab verib: “Həqiqətən, çox kədərləndim, çox yaralandım. İndi xatırlayanda deyirəm ki, “kaş o qədər kədərlənməsəydim” Depressiyaya düşdüm. Amma təbii ki, zamanla keçib gedir, hər şey keçir... Əslində, bu, maraqlıdır, bilirsinizmi? Sizi bu qədər yaralayan, özünüzü çox bədbəxt hiss etdirən, sizi çox kədərləndirən, zamanla saman kimi olan bir şey…”

O, ayrılıqdan sonra depressiyadan asanlıqla xilas ola bilmədiyini deyib: “Bir həftə duş qəbul etmədim, komediya filmlərinə baxdım. Dərmanlarımı qəbul etdim. Bu, iki il davam etdi”.

Qeyd edək ki, Z.Olcay 1992-ci ildə H.Bilginerlə ailə həyatı qurub, 2004-cü ildə isə boşanıblar. Bu onun 3-cü evliliyi olub. Olcayın ikinci evliliyindən bir qızı var.

12 il evli qalan cütlük boşandıqdan sonra Bilginer şou xəbərlərinin gündəm mövzusu olub. Buna səbəb onun adının həmin dövrdə müğənni Aşkın Nur Yengi ilə birgə çəkilməsi idi. Belə ki, Haluk 2006-cı ildə onunla evlənib və bir qız övladları olub. Amma bu evlilik də uzun çəkməyib, onlar 2012-ci ildə boşanıblar.