Qulu Ağsəs - 55 yaşında!
Bu gün Azərbaycanın tanınmış şairi Qulu Ağsəsin doğum günüdür.
“Qafqazinfo” xəbər verir ki, onun 55 yaşı tamam olur.
Bu münasibətlə Qulu Ağsəsin iki şeirini təqdim edirik:
Mötərizə açılanda ağlayan,
bağlananda gülən...
bəşər –
heç vaxt indiki qədər
sadəlövh olmayıb, mən bilən...
Hələ tezdi,
vaxta var yəni:
əlli yaşdan sonra xəbər tutacaq qadın
əslində onu kimin sevdiyini...
Cin atında gəzmişəm dörd yanı,
ən təmiz yeri
zibil qablarıdı dünyanın...
Xanımlar və cənablar,
baxın,
diqqətlə baxın:
nökərin göz yaşı üzündən yox,
kürəyinin arasından axır...
Qorxudan rəngi ağappaqdı
yuxarıdan özünü atan hər nə var:
istər adam olsun,
istər yağış, qar...
Bir də bu kadrlar –
zəlzələdə
Allahın altından
Allahın üstünə qaçanların nidası,
ovucda partlayan
fişəngin əl vidası,
göy boyda yorğanın
yer boyda mitili,
vayfayla əkilən insan şitili...
Və bir də:
məni Günəşə gömərsiniz
gözümə yuxu getmir
soyuq yerdə...
Son Xəbərlər
- 1
- 2
- 3
- 4
- 5
- 6
