Dünya əhalisi sürətlə qocalır - Gələcək üçün təhlükə
BMT Əhali Fondu (UNFPA) dünya əhalisinin yaş ortalaması ilə bağlı statistikanı açıqlayıb.
“Qafqazinfo” “Anadolu” agentliyinə istinadən xəbər verir ki, hesabatda hazırda dünyada 900 milyondan çox insanın 60 yaşdan böyük olduğu qeyd olunub.
2050-ci ildə isə bu rəqəmin 2,1 milyard olacağı ehtimal edilir.
Məlumata görə, Çin, Hindistan, Yaponiya və Rusiya kimi ölkələrdə hər 7 nəfərdən biri yaşlıdır. İspaniya və İtaliyada isə əhalinin demək olar ki, yarısı 43 yaşdan daha böyükdür.
Qeyd olunub ki, hazırda gənc qadınların gec yaşda uşaq dünyaya gətirmək istəmələri səbəbindən doğuş göstəriciləri azalıb. Bu da gənc və orta yaşlı nəslin sayının azalmasına səbəb olur.
